Quid est HiRISE?
HiRISE (High Resolution Imaging Science Experiment) omnium ad alium planetam missarum photographicarum machinarum potentissima est. Instrumentum istud a nobis anno MMV missum est et
ad Martem anno MMVI pervenit; qua re in hoc decennio plura quam duo et quinquaginta milia imaginum collegimus Rubri Planetae. Expeditionibus variis peractis (Phoenix, Mars Science Laboratory)
effectum est a nobis ut ad descendendum loca Martis apta eligerentur, labinae actuosae animadverterentur, pro certo haberentur photographematibus captis immania glaciei
aequora sub Martis superficie substantia.
“Mars Speciosus” Appellata Planetae Rubri Investigandi Ratio
Martis scientia tam multos homines cepit ac capit ut rationem investigandi planetae cui “Mars Speciosus” nomen inditum est comparaverimus, ut de Rubra Stella erranti quam plurimos
certiores faceremus edoctosque uniuscuiusque gentis lingua. HiRISE est expeditio Administrationis nationalis aeronauticae et spatialis vulgo NASA appellatae una quae in menses
nuntios Latina lingua emittit.
Si tibi gratum est huic nobili consilio interesse,
scribe quam primum ad nos!
Speciosus planeta, Liber legendus!
“Mars: The Pristine Beauty of the Red Planet” cum primum volumen nostrum tum pulcherrimum quod reperire possis opus est venustissimas Martis imagines continens
librorum de eodem argumento scriptorum Latina lingua, quae olim scientiae omnis lingua fuit.
Eme sine mora librum hodie!