Gígurinn sem hér sést virðist tiltölulega ungur, þar sem hann hefur skarpan barm og efnisslettur sem hafa varðveist vel.

Í hlíðunum eru giljadrög og hugsanlega eru endurteknar hlíðarrákir í þeim hlíðum sem snúa að miðbaug. Í nýlegum gígum eru brattar hlíðar gjarnan virkar, svo við fylgjumst náið með þessum gíg í leit að breytingum yfir tíma.

Berggerð berggrunnsins er sömuleiðis fjölbreytt. Gígurinn er rétt rúmlega 1 kílómetra breiður.

Athugaðu: Þegar sagt er „ungur“ er átt við á jarðfræðilegan mælikvarða. Gígurinn er mjög gamall á okkar mælikvarða.

Þýðing: Sævar Helgi Bragason