Hvað er þessi dularfulla landslagsmyndun?

Þessi hringlaga myndun er nærri 2 kílómetra breið. Hún lítur út eins og hringlaga eyja umhverfis „hraunbreiðuhaf“. Á Athabasca svæðinu eru mörg yngstu hraunin á Mars, svo hugsanlega hefur eldvirkni leikið veigamikið hlutverk í þessari jarðmyndun.

Hugsanlegt er að hraun hafi brotist undan bungunni og þrýst henni upp á við. Svo virðist sem efni vanti í bunguna, svo einnig mögulegt að í henni hafi verið umtalsvert magn íss sem hafi bráðnað við hitann frá hrauninu. Á svæðinu eru fjölmargar aðrar myndanir sem valda vísindamönnum heilabrotum.

Við vonum að nánari athugun á þessari HiRISE mynd og öðrum veiti frekari upplýsingar um myndunina.

Þýðing: Sævar Helgi Bragason