Suður af Arsia Mons á Daedalia Planum skiptast á ungar, ílangar og bugðóttar hraunbreiður í norðvesturátt og eldri og breiðari hraunflákar í suðvesturátt. (Tímakvarðinn sem hér um ræði er um það bil 100 milljón ár til 1 milljarður ára). Við suðurbrún Tharsis svæðisins hafa eldri, sennilega 3 milljarða ára gömul hraun fundist þar sem Tharsis hraunin snerta forna hálendissvæðið.

Þökk sé hárri upplausn ljósmynda HiRISE getum við dregið mynd af flóknum eldfjallasvæðum, þar á meðal stökum hrauntungum og hraunbreiðum sem liggja ofan á hver annarri. Á þessari mynd sést hvar tvö af yngri, ílangari hraununum í norðaustri snertast. Þyrping lítilla árekstragíga ofan á hraununum gera okkur kleift að setja mörk á afstæðan aldur og raunaldur hraunanna og í hvaða röð þau runnu.

Þýðing: Sævar Helgi Bragason