Eridania nefnist lokuð dæld á suðurhálendi Mars. Sú tilgáta hefur verið sett fram að þar hafi einhvern tímann í fyrndinni verið stórt stöðuvatn eða innhaf.

Á dýpstu svæðum dældarinnar sem hér sést er óreiðukennd hrúga af tiltölulega ljósleitum hnullungum. Þeir innihalda margskonar vatnaðar steindir sem gætu hafa myndast í vatninu og ef til vill varðveitt upplýsingar um fornt lífvænlegt umhverfi.

Stöðuvatnið eða hafið þornið síðar upp að hluta til og myndaðist þá Ma’adim Vallis, stór farvegur sem lá til norðurs yfir í Gusev gíginn. Árið 2004 lenti Spirti jeppinn í Gusev gígnum til að rannsaka stöðuvatnaset sem menn bjuggust við að þar leyndist. Í ljós kom að gígbotninn hafði fyllst af hrauni sem yngra en vatnasetið.

Eridania er mun heppilegri staður til að finna stöðuatnaset. Svæðið hefur hins vegar hingað til verið álitið of gróft og hættulegt fyrir lendingarför sem send hafa verið til Mars.

​Þýðing: Sævar Helgi Bragason