Vöktun HiRISE hefur sýnt að giljadrög á Mars myndast einkum á veturna og snemma á vorin, á þeim árstímum og á þeim stöðum þar sem frost er í jörðu.

Myndin sem hér sést var tekin síðla vetrar, svo hrím eða ís (hvítu svæðin) eru aðeins á þeim hlíðum sem snúa í suður og hafa notið lítillar sem engrar sólarbirtu hingað til.

Hryggirnir milli hvilfta giljadraganna fá meira sólarljós og virka rauðleit og að mestu hrímlaus. Ný giljadragavirkni er ekki augljós á myndinni. Hugsanlega ríkir mjög viðkvæmt jafnvægi: Sum árin, en ekki öll, hrindir hrímið (allt að 1 metra þykkt um það bil) af stað skriðuföllum. Hrímið er að mestu úr koldíoxíði (þurrís) en inniheldur líka lítið magn af vatnsís.

Þýðing: Sævar Helgi Bragason