Þessi mynd af Opportunity jeppanum var tekin samhliða mælingum CRISM mælitækisins um borð í Mars Reconnaissance Orbiter. CRISM er litrófsriti sem hjálpar okkur að greina steindir á yfirborði Mars.

Hægt er að nota myndir HiRISE til þess að smíða stafræn landslagslíkön (DTM á ensku), eins og þá sem hér sést af vesturbrún Endeavour gígsins, en með þeim fást upplýsingar um landslagsþætti lendingarstaðarins í hárri upplausn. Þessi mynd var sett saman með stafrænu landslagslíkani og sýnir útsýnið í suður.

Notkun steindafræðikorta frá CRISM og landslagsmyndum í hárri upplausn frá HiRISE koma að góðum notum við rannsóknir Opportunity á jarðsögu Murray hryggsins í Endeavour gígnum.

Þýðing: Sævar Helgi Bragason