Hér sést annar tveggja ávalra stapa með hnúðótta eða holótta áferð. Context Camera myndavélin í MRO hefur einnig náð myndum af þeim.

Hugsanlega er stapinn síðustu leifarnar af víðáttumeiri jarðfræðieiningu. Holótta áferðin gæti bent til þess að myndunin sé ísrík.

Myndir í hárri upplausn geta hjálpað mjög til við að greina áferð yfirborðsins og gert okkur kleift að bera hana saman við aðrar myndanir á miðlægum breiddargráðum, sem gætu á einhvern hátt tengst niðurbroti íss og þurrgufunarferlum.

Þýðing: Sævar Helgi Bragason