Þetta sandölduhaf er í Richardson gígnum. Myndin var tekin um haust á suðurhveli. Öldurnar eru hélaðar af koldíoxíð sem hefur þést úr lofthjúpnum.

Þegar vetur gengur í garð mun ís þekja gervallt svæðið. Á þessum tímapunkti er svæðið flekkótt því hrímið hefur enn ekki þakið yfirborðið fyrir neðan öldurnar. Yfirborðið fyrir neðan öldurnar virðist skorið fíngerðum lægðum sem kallast „araneiform terrain“ og myndast við þurrgufun (þegar efni fer úr föstu efni í gas) á vorin.

Þótt Mars virðist frosið undraland er hann ekki frosinn í tíma: Á vorin eykst virknin á þessu svæði til muna.

Þýðing: Sævar Helgi Bragason