Litlir árekstragígar eru venjulega einfaldir og skálarlaga. Þegar berggrunnurinn inniheldur hins vegar missterk lög geta gígarnir orðið töluvert flóknari.

Algengast er að veikt lag liggi ofan á sterkara lagi. Þá geta myndast stallar í innri gígbörmunum og gígurinn verður skyndilega grynnri þar sem þessi efnisbreyting á sér stað.

Á myndinni sést gígur með stöllum á Arcadia Planitia. Í raun er um að ræða tvo mismunandi stalla sem bendir til að minnsta kosti þriggja missterkra laga í berggrunninum. Mynd á borð við þessa hjálpa vísindamönnum að kanna efstu lögin undir yfirborði Mars. Í þessu tilviki er mismunandi styrkur laganna líklega vegna íss (veikt) og bergs (sterkt).

Þýðing: Sævar Helgi Bragason