Þegar HiRISE tók þessa mynd var sólin rétt byrjuð að skríða upp fyrir háar breiddargráður í vetrarlok í norðri. Myndin sýnir bratta stalla í kringum setlögin við norðurpólinn.

Sólarljósið er mjög dreift vegna aðstæðna í lofthjúpnum en sólin var innan við hálfa gráðu yfir sjóndeildarhringnum. Þessi dreifða vetrarbirta gefur myndinni einstakt útlit, næstum eins og um málverk sé að ræða. Yfirborðið er þakið rykblönduðu koldíoxíðhrími.

Þýðing: Sævar Helgi Bragason