Þetta er þriðja mynd HiRISE af MSL á yfirborði Mars en frá örlítið minni halla en á eldri myndum og sömuleiðis í hærri upplausn.
Á þessari yfirlitsmynd er búið að þysja fjórum sinnum út á við en úrklippurnar sýna staðina í fullri upplausn.
Nýju dökku blettirnir (vinstra megin) mynda rákir sem eru samsíða brotlendingarstað lendingareiningarinnar og gætu verið af völdum grjóts sem þeyttist upp við áreksturinn eða braks úr einingunni. Sjó ljósir blettir sem tengjast brotlendingarstað einingarinnar gætu verið brak.
Í kringum bakhlífina sjást einnig ljósir hlutir en líka forvitnileg smáatriði í fallhlífinni.
Sjá má skugga mastursins á MSL sem teygir sig í suðausturátt frá Curiosity jeppanum.
Þessi mynd var tekin nánast beint yfir lendingarstaðnum (um 9 gráðu halla frá honum) öfugt við eldri myndir, svo upplausnin á hvern pixel hefur aukist um 0,27 m/pixel að meðaltali. Hver úrklippa var teygð til þess að draga fram sem mestar upplýsingar án þess þó að myndin glataði tærleika. Paul Geissler við Jarðvísindastofnun Bandaríkjanna (USGS) beitti sérstakri myndvinnsluaðferð til að hreinsa suð á myndinni.
