Aram Chaos einkennist af röskuðu landslagi en fyrir ofan það eru tæplega 900 metrar af setlögum í hinum 280 km breiða Aram gíg.

Á þessari mynd HiRISE er raskaða landslagið dökkt með rásir og hryggi. Setlögin eru ljósari en virðast mjög hrjúf vegna hryggja og rása. Í Aram gígnum eru steindir á borð við súlföt og járnoxíð sem eru svipuð þeim steindum sem finnast á Meridiani Planum, lendingarstað Opportunity jeppans.

Sú tilgáta hefur verið lögð fram að setið megi rekja til stöðuvatns sem hafi eitt sinn verið í Aram gígnum.

Þýðing: Sævar Helgi Bragason