Það athyglisverðasta við þessa mynd er vaxkökumynstrið sem sandöldurnar mynda.

Hér sést svæði sem er vaktað árstíðabundið. Það þýðir að HiRISE tekur myndir af því á mismunandi árstímum svo skoða megi þær breytingar sem eiga sér stað og hvað veldur þeim. Yfirborðið hér er þakið árstíðabundnu koldíoxíðhrími. Í þessu tilviki getum við borið saman staðsetningu sprungna í hríminu við eldri myndir.

Á þessari nærmynd sjáum við dökkan blett í hlíð sandöldu. Hann má líklega rekja til þurrgufunar, þ.e. þegar efni fer beint úr föstu formi í ís. Hrímið er hálfgegnsætt (ljós berst að einhverju leyti í gengum það) svo þurrgufun hefst neðst og smám saman byggist upp þrýstingur. Þegar gasið losnar kemur dekkra efnið undir í ljós eða sandur varpast ofan á hrímið og myndar dökka bletti á borð við þessa.

Þýðing: Sævar Helgi Bragason