Hér sést opna í gíg á Arabia Terra þar sem lotbundin setmyndun hefur hugsanlega orðið.

„Lotbundin setmyndun“ vísar til þess að endurteknar sveiflur hafi orðið í magni sets sem í boði var til að ný setlög gætu myndast. Þessar sveiflur má rekja til breytinga á loftslagi svæðisins yfir langan tíma, á milljónum eða nokkur hundruð milljónum ára. Hugsanlega hefur breytilegur möndulhalli reikistjörnunnar einnig sitt að segja um lotubundna setmyndun.

Myndir í jafn mikilli upplausn og HiRISE gefur hjálpar mönnum að meta setmyndunarloturnar, prófa að tengsl þeirra við önnur setlög á svæðinu og finna merki um rakara umhverfi í fortíðinni.

Þýðing: Sævar Helgi Bragason