Í þessari dæld í Ceti Mensa sjást sammiðja hringir í setlögunum. Dökkir sandskaflar og áferð berggrunnsins benda til þess að vindrof leiki þarna stórt hlutverk.

Vindur er öflugt rofafl sem flytur fínt set sem mótar landslagið og leiðir í ljós dekkra efni undir yfirborðinu. Dæmi um stóra vindrofna opnu á Mars er Gale gígurinn. Þar hefur rofið myndað tröppumynstur í landslaginu.

Þýðing: Sævar Helgi Bragason